Петар Арсовски: Македонија заостанува зад соседите на патот кон ЕУ

Политичкиот аналитичар Петар Арсовски во разговор за BIRN вели дека Македонија ризикува уште повеќе да заостане зад соседите на патот кон ЕУ, бидејќи нејзиниот пристапен процес е во застој.

Според него, излезот од блокадата со Бугарија бара храброст во Скопје, но и поактивна улога на Брисел.

Македонија аплицираше за членство во 2004 година, а статус на кандидат доби во 2005. Уставните измени за внесување на Бугарите во преамбулата беа договорени во компромисот од 2022 година, но не се донесени.

Државата напредува во подготовката на мерилата за кластерот „Основи“, но без уставните измени преговорите не можат да продолжат.