Битола ги санира дрворедите по силниот ветер

Битолското јавно претпријатие „Комуналец“ ги санира штетите што силниот ветер ги направи на дрворедите низ градот. Екипите ги отстрануваат искршените гранки и ги проверуваат дрвјата што се оштетени.

Претходно беше издаден жолт и портокалов аларм за ветер над 80 километри на час во делови од Македонија.

Во Битола деновиве падна и стакло од излог, а две девојчиња беа пренесени во болница.

Од претпријатието апелираат граѓаните да не паркираат и да не застануваат под оштетени дрвја додека трае санацијата.