Полицијата ќе може итно да го отстрани насилникот од домот
Министерот Тошковски најави законски измени за побрза заштита на жртвите на семејно насилство.
Полицијата ќе може итно да го отстрани потенцијалниот насилник од домот, со што жртвата на семејно насилство ќе добие заштита веднаш, без да чека долга постапка. Новите законски овластувања на МВР ги најави министерот за внатрешни работи Панче Тошковски.
МВР бара максимален фокус на семејното насилство како општествено зло. Од министерството порачуваат дека ако институциите и граѓаните се обединат, бројот на непријавени случаи ќе паѓа, а бројот на пријавени и решени ќе расте.
Истиот ден Тошковски опиша дека дел од работата во МВР сè уште се води рачно, во тефтери, и најави дигитализација во рок од три до четири месеци.
Мерката за итно отстранување на насилникот е дел од пошироките измени за спречување на семејното насилство.