Венецијанската комисија ќе го оценува новиот правосуден испит

Новиот модел на полагање на правосудниот испит ќе биде оценет од Венецијанската комисија. Испитот го полагаат правниците што сакаат да работат како судии, обвинители или адвокати.

Венецијанската комисија е советодавно тело на Советот на Европа за уставни и правни прашања. Нејзините мислења не се задолжителни, но државите кандидати за ЕУ ги земаат како мерило за реформите во правосудството.

Оценката доаѓа во време кога Европската комисија во годишниот извештај бара дополнителни напори за владеењето на правото.

По мислењето на Комисијата ќе се знае дали моделот оди во постапка онаков каков што е предложен или со измени.